昨晚如常與太太那邊冬至飯，今晚太太要返福溢姊妹組，阿仔當然繼續忙他的.......周末崇拜後當一個人走在回家路上......注意！只係晚上八點，彌敦道路面竟然如此冷清。😨
那怪怪地的情緒又再出現😐......都唔係咁夜啫（都真係幾早）、香港變了樣（當然啦）、周六晚喎（咁又點）、冬至（食咗飯啦）......做冬大過年，昔日做冬都係做兩次（自己屋企同太太屋企）.....外父及外母雖先後安息主懷，太太那邊（幾位家姐及細佬）都會繼續，今年都不例外。我這邊......今年改變了......雖然母親去年在冬至前安息，去年都可以同家人（大哥及細妹）一齊食返餐飯。今年初他們移英後，中秋到冬至，心中怪怪地的感覺始終揮之不去😓 ......
最後走進了一間麥當勞（BTW肚始終是餓.....藥都係要繼續食），想到人要 "捨得" 😃，有捨才有得，而人生每天都是在取與捨中渡過，不捨也要捨......地球🌍繼續會轉，日光之後本無新事.....轉念之間想到今晚的宣講：你應用怎樣的眼光去今天的人與事😳.....離開的時候拍下這照片：
心想：竟然返咗嚟，好快又過咗七個月......與十三年前相比，外與內、人與事變了不少.....當然仍然.....忽然想起："繼續有啲怪怪地感覺也不錯呢😝！"（我都係人一個啫😌）
沒有留言:
張貼留言