有感而發：那記憶中的味道

九年前的 "動態回顧"，今早準時彈出：

原文來自Facebook專頁《賞一賞．想一想》，節錄其中一句：

沒有規矩的地方的確需要多一點規矩，

但太有規矩的地方就需要多一點「人情味」。

人情味，往往顯得草根一點、市井一點、「大牌檔」一點，

卻讓彼此的關係容易拉近一點。

去年也寫 <牧函 - 有感而發：想起過去...今天> 這篇回顧，其中我寫下：

今天的 "味道" 如何？有人.....但有這 "味" 道嗎？還是.......你的感受是.......😰 親愛的弟兄姊妹，有些回顧已經是 "目前無法提供此內容"，當然已經唔記得係乜......有些link已經去唔到（改咗？冇咗？），過去執著、以為是重要的......能夠有機會再一次看到，回憶起昔那一些點點滴滴.......情感返晒嚟囉😂

今天在教會中，有冇嗰啲 "熟悉的面孔"，卻是 "那不認識的人" 呢？我唔單止講在崇拜中 "遇上" 的，而是在同一團契或小組中的......除了 "固定" 的時間外，大家有冇 "還有" 其他時間相聚（約吓）？除了 "讀經、祈禱、分享" 之外，有冇 "炸雞髀😍、西多士😎、炸大腸😋" （還有更多......）。昔日 "做仔" 既時候，團契小組係七點半（？），開始時都唔齊人，各人都係不同時間出現，有些人甚至完結前才趕到......不過，團契小組完結，我哋就會一齊 "燒夜飯聚"，沒有固定的話題.......一齊傻笑🤪、一齊亂吹😆.......那 "情" 與 "味道" 就係咁樣一點一滴聚集起來......

肢體之間，除了 "事工"、"屬靈"、"規矩"、"傳統"、"守望"、"代求"，應該還有 "親密"😘，你們同意嗎？

後記：大家還記得 New Good Friend，新良友嗎？😂😂

有感而發：內地探訪之後

前兩天又再返內地探訪，探訪中有認識的...也有不認識的...😃 其中接待我的肢體是多年前在營會中認識的。當時候那位肢體仍然在學，傾談過程中，原來已經畢業了3年多，並在一個 "場景" 服侍。肢體表達了自己在服侍中的無力感，也分享到那孤單☹️的感受，好想 "躺平" .......然而工作卻是😦 ....... 回來之旅程中，想到那 "場景"，心情有點不好......他們實在比我們困難😓，主若願意，盼望與他們同行一小段......

上一周也曾與大家分享到工作的 "擁擠"，在密集的侍奉中，我分享了：本周好多嘢😘由這個開始吧...

那時候，當然沒有想到點樣可以 "挨" 得過😌 。雖然必定有主同行與同在，但你都係要自己去面對架......咁咪 "選擇" 以平靜及悠閑小小去開始囉😂。中段有一天攰到身體及思想都有啲想 "死" 的感覺，忽然想起要 鼓勵/獎勵 下自己，就去食餐好嘅😉：

當天寫下了："今日例假，上午完成了出殯及火葬，好耐冇去沙拉姆咖哩屋開飯🤣食餐好之後就去買餸，處理埋出年既講道表😉就煮飯😘再出去上課😬..." 最後，因為想師母陪，沒有出去返學。雖然有計劃，但也需要按環境、心情、狀態 ...... 偷懶一次咁多，都唔係太過份😘，最後我以這張相片結束了上周的行程：

親愛的弟兄姊妹，或許侍奉的故事就是這樣吧......一周完了，一周又來......日光之下😂同志仍需努力💪。

後記：與內地肢體也分享到朋友的課題，想起一年前曾寫過的牧函：對於“朋友”這課題的思考，想起關正傑的一首舊歌(大家認識他嗎？）…… 

有感而發：相對無言

https://rkhfung.blogspot.com/2024/08/blog-post_25.html

一個人的晚餐

堂址隨筆之廿五：開展主的國

之前的日子思想有點閉塞，腦袋裝滿著堂址的事情......工作量雖然不大，似乎應該有一點點壓力（很久冇探訪我的濕疹忽然出咗😝），因此沒心情😩（搵到藉口😂）去寫牧函，當事情似乎告一段落（我要強調 "似乎"），嘗試整理一下自己的心情。

過去的日子，都不停收到地產Agent傳來的樓盤資料（乜嘢類型都有），常常想：乜嘢係Ok？定唔Ok？都係按照現有的處境，再行前少少......有時都好憑直覺、感受😂...... 當然都係要睇神的心意啦（係咪好標準答案呢😌）還記得有一次祈禱中，有領袖表示：祈求顯明祂自己的心意？

親愛的弟兄姊妹，當天我的回應是：或許祈禱的方向係......

我哋願意為神擺上更多，叫神因此得著更大的榮耀，叫更多人認識神的大能，盼望神為我們攞開一切的難阻。

在剛剛過去的執事退修會中，分享了《開展主的國》，不過我揀咗無伴奏合唱（Acapella）的版本。那一群年青的肢體，在疫情中演繹出這歌......

面向著將來的堂址，你期望嘅係乜嘢呢？或許我們都想大啲（？）、靚啲（？）、方便啲（？）.......大家會否想到我要為上主做多啲？願意上主得著更多榮耀呢？親愛的弟兄姊妹，"做多啲" ，或者唔單止係做多啲 "社關"，或許還有更多......大家願意用 "創意" 去開展主的國嗎？

後記：今天除了堂址，大家願意繼續去愛嗎？或許小朋友比我們更願意囉 😊！