昨晚在一位肢體70大壽的生日宴上，被問到：你投咗未？我個腦只係想到："姜B投咗俾光B....." 抱歉，當時我真係回應得唔係幾好："主日由早忙到晚，剛剛才坐低呢....." （希望肢體唔好介意囉😂）其實之前一周真係忙到傻傻地😭，周五負責兩個安息禮拜、周六上午火葬禮、下午婚禮訓勉及證婚、黃昏晚堂崇拜講道、主日早午堂，下午是水禮及轉會禮。感恩過咗喇😆（今個禮拜再算啦😎）
主日下午的水禮，有5位轉會、2位灑水禮、4位浸禮及一位孩堂按手禮（小插曲：昨天水禮結束後，還要趕往醫院為一位長輩進行灑水禮）.....這段日子，除了感恩，還是要感恩。感恩不是"數字"（投票率都唔係咁重要啦😉）......感恩的就係人願意公開在上主及眾人前立志以耶穌為人生的主宰（受禮者的諾言）.....盼望他們繼續能堅持下去💪親愛的弟兄姊妹，"禮儀" 只係一個場景，叫人參與在其中....當然不希望只係 "行個禮"（就正如周六的婚禮），一對新人 "行完個禮"，婚姻生活才正式開始，漫漫長路..... "你們" 努力💪吧！
 |
| 第一次在恩福證婚（當日在彩排中） |
今早看到老師（黃天相教授在其wordpress的分享）的教導，心裡十分扎心，他在文中提出：
（在水禮中）我看到他（一位教牧）每個環節只是看着手機講出他要說的話，只像錄音機般全無感受，自然也沒有任何「喜悅」之情，只像是交差式完結了就算。反而其中一個受洗的弟兄還有點雀躍之情。不知是那教牧做得太多，已沒有任何感覺，還是連自己的角色也不理會，連最低層次都不肯「扮演」出來。
睇完之後真係有啲驚，唔知道自己在周六婚禮中的訓勉與證婚、主日下水禮中的"說話"（真係重複咗多次），只係在 "交差" ....... 應該冇掛，因為我真係 "驚" 俾上主擊殺。
後記：
今早睇到陸生在電視前哽咽，才知道昨晚區選出了些意外.....想起多年立會中"大家要等埋發叔"的事件，一眾立會議員也都在哽咽.....
沒有留言:
張貼留言