主日晚上回到家中開始有兩聲咳，半夜唔係好得，於是起咗身搵返之前睇中醫食剩嘅中藥食，食完之後再瞓，第二朝起身又好似好啲.....再食多次食剩嘅中藥。不過周二啲咳又好似多返啲，咪走去再睇次中醫，食完好似又OK.......不過食咗兩日幾中藥，都好似差唔多，今早決定去睇西醫，執返啲西藥食。那位西醫是我中學嘅同學，佢診所在長沙灣，以前常常幫襯佢.....之後搬咗去將軍澳後，山長水遠，就冇再睇。話說有一日行路返工時，唔知點解發現到佢在彌敦道（天泉附近）開咗檔，上個月才幫襯完，今個月又再幫襯。BTW，真係大件夾抵食架（可能係特別關照我呢位老同學😂）
想起上主對我真係好好，返咗嚟已經9個多月......雖然一切仍在適應中（其實冇乜時間去適應😫），上主除了為我嘅家庭安排了居住的地方，佢俾我有機會繼續進修聖經亞蘭文之外，上主連睇醫生嘅事都照顧埋。現在睇緊嘅中醫，係在屋企附近嘅安心堂，就係我在將軍澳睇開嗰一間。中醫師一睇個電腦，就知道晒我啲紀錄。上主又竟然在教會附近，安排埋個一路睇開嘅西醫俾我。親愛的弟兄姊妹，真係冇乜嘢可以講喇🥹只有感恩😊唯有感恩🙏
作為主的小工，只能夠繼續聽神吩咐，信神預備！你們同意嗎？
後記：想起這首歌
黃國倫-我願意
沒有留言:
張貼留言