記憶中，在過往的日子，新春是絕少外遊（因為要去不同的地方拜年）。父親離開後，母親提出要外遊渡歲，那一年大哥安排一家人去了日本。今年，母親已經安息主懷，大哥及細妹在英國，我們一家也選擇外遊。
對上一次我哋一家三口一齊外遊，應該係阿仔五年級（好似係😀），我哋跟團去咗馬來西亞。嗰次之後，阿仔話唔再同我哋一齊去（但係今日佢話冇印象😩）。今次係十多年之後，我哋一齊去。雖然都係有啲怪怪地（都係每逢過時過節出嚟嘅感受😞），但係最有趣嘅可以相對長啲時間對住（其實係望住）阿仔。平日大家在屋企都係各自各，佢有佢在房，我有我在外邊......食飯雖然一齊食，但其實佢都係繼續忙（忘）佢嘅嘢。在街上一齊行嘅時候，望落去好似真係有啲陌生（純粹係感受而已😮）......乜已經咁大個人！昔日嗰個小朋友，去咗邊度？究竟係幾時消失咗......答案係我都有返咁上下，自問：你想點啊！😂
想起廿年前（其實下年先至係😂）在神學的畢業講道，當天的講題係："一代新人送舊人"，主要分享撒母耳記有關掃羅的內容......昔日我哋離開神學院進入工場，或許 "接棒" 就係代表著（歡/不歡） "送" 走他人 ...... 今天，下一代已經長大，無論佢 "接" 定 "唔接" 枝棒，我（我只係講自己😜，千萬不要🙅......）都係會被 "送走" （無論無開心還是......）....... 下一代就由他走自己的路吧！
BTW，或許我們今天只係需要負我們這一代的責任（盡我自己的本分而已），不要（也不應）再增添自己的 "愁煩"，"放手" 給他們走他們自己路，他們要為自己所揀選的去負責（佢哋自己向上主交代），無理由叫我們替他們 "找數" 呢！你們同意嗎？
後記：
 |
| 阿仔幫我同太太拍攝的照片，看見嗎？ |
沒有留言:
張貼留言