2020秋季開始在伯神讀舊約文學碩士，跟黃天相教授（黃生）讀舊約原文釋經，轉眼就四年了.....好多人都問：幾時讀完？幾時畢業？😘😘首先，應該唔會 "畢" 業囉，至於幾時讀完...或者係年底？（要睇吓黃生會繼續開乜嘢科😂）
周四下午，剛剛去神學院交咗秋季的報名表，將會旁聽 "原文釋經 - 詩篇"......係呀，因為下半年太多嘢（加上自己"懶"，這才是真😜），只能夠 "旁聽" .......但每堂都要準備同presentation，只係唔駛交釋經文章的功課同考試。
建道畢業後，想在新約方面多些認識，之後讀咗幾年聖經希臘文.....其間也發現自己 "唔識" 舊約，在盧生（當時的同工和好兄弟）的推介下，在伯神旁聽黃生的舊約科近10年了......之後為了修黃生教的原文科，在2020註冊為學生......不知不覺，在伯神已14年，黃生都已經成日話自己即將退休喇.....當然，佢退休，我就肯定會完成啦（係唔讀）。
"讀" 係因為想增加 "知識"，係想認識 "聖經" 多一點點....聖經係由希伯來文、希臘文，加上亞蘭文寫作而成，我弱弱地都叫做知道少少（其實只屬於 "望" 過下而已），唔敢扮代表（必定死）。或許，見主面之前，都要繼續努力，要繼續好好讀聖經。（知道的實在太少😔）
想起保羅的一句話：“若有人以為自己知道什麼，按他所當知道的，他仍是不知道。” 我當然知道自己比大家係知多啲（只係好少），但有乜嘢唔係從主領受架呢？人總要謙虛一些......千祈唔好扮代表😯
BTW，關於進修的歷程，有興趣可以重温昔日的牧函：侍奉隨想之三 😎
後記：5月底將會考亞蘭文，仍在水深火熱中，有空請記念這小工😞
沒有留言:
張貼留言