有感而發：忽然放咗個假

當然要帶住佢啦

上年某一天忽然發現要在31/5/24之前要放7天年假，（其實未計嗰啲補假，可能都係劃咗佢或豪俾佢😂），當然要立即行動。原因係1月底至5月中又會進入攞苦嚟辛之旅，就係跟舊約老師黃博士上聖經亞蘭文課程，預計都會係進入天昏地暗既日子.....根本無可能放到假。

上機前打咭係重要的儀式

今次係第一次在新曆新年離港放假，目的地都係日本🇯🇵（因為唔想去台灣或韓國），揀了自己熟悉又容易handle的地方。離開香港的一刻，有點 "得釋放" 的感覺。活在今時今日，或許都係要行開下囉（唔知點解好多人都話你終於"放"哪）！

這是上主的創造👍

這次行程主要去富士山......其實之前都去過兩次，都睇唔清楚個山係點樣....感謝主，今次睇得都好清楚.....之前因為在不適當的時間去，當然係睇唔到啦......要在合適的時間，而兩個人又同時放到假一齊去.....想起傳道書那一句："在乎當時的機會"，就是上主的定時和上主給予的機會，然而聖經作者亦提醒讀者都要準備好呢！要常常記住十個童女的比喻......😚

時代論壇一篇文章提到："這些年，愈來愈多人明白儀式感的重要。在黑暗中企盼光明，邁步有時，躺平有時。儀式帶來的時序，就是這樣的一份節奏。但無論邁步還是躺平，總要記得那份光明，以及等待光明的初心，不要放棄。" 親愛的弟兄姊妹，仍然記住24/12是平安夜（不只是某場戰爭的勝利），25/12是聖誕節（雖然26/12是一位前國家領導人生日）..... 工作後當然需要行開休息躺平一下，去旅行這 "儀式感" 都係提醒自己仍 "在" ，活著就是要等祢來......

後記：旅程中寫完周末及主日兩篇講章、兩篇牧函，又感恩上主聽禱告🙏 謝主隆恩👏👏