又係講返 1993 既歷史😆 想起30年前：
那一年我在母會和平堂擔任執事大約一年之後（母會1992年才自立），在一次會議（還是傾談......其實唔係好記得）中，堂主任蘇牧師與大家分享需要有 "後生" 啲嘅領袖承接執事會 "主席" 的工作。其實當時候的執事會主席 - 蘇權良弟兄（佢真係做得好好），我哋叫佢"蘇子"，已經擔任堂委會主席七年（自立前是堂委會而不是執事會）。其實和平堂成立之前，他已經在活泉堂（和平堂的母堂）擔任執事，作信徒領袖已經多年......記得蘇牧師話大家唔好停留在 "有蘇子做主席就得"，大家要想像若有一天 "蘇子" 退下來的時候，邊個會做（邊個夠膽做）？當年，我（應該係唔識死）就應承去試吓做副主席，預備用一兩時間去學習、去認識下......之後1995年起就接任執事會主席。
親愛的弟兄姊妹，當年的 "接" ，並不是認為自己 "得" 或者自己 "可以" （其實充滿著壓力與重擔） ，只係因為對堂會的一份情、一個承擔，對上主愛的回應......仍然記得 "蘇子" 主席（已是資深的領袖）常常照顧及關心這個黃毛小子（剛剛進入社會），與我分享他的侍奉心得，並且一路陪伴我走這條執事侍奉的路。特別在艱難的那一年，有著這位前輩的同行......最後我才踏進全時間服侍的路。
30年後，當然要講返2023這一刻😃：
昨天晚上少年軍52分隊透過網路一起商討新一任的隊長，感恩的就是一位弟兄願意承擔，更感恩的就是眾導師都願意一起分擔，並不是將一切的擔子壓在一個人的身上。另一方面，我們也想到：不能夠只係單單停留在眼前這一刻的難題 - 誰是當下的隊長。我們一起想到未來（下一代）誰可以接棒的問題......感恩的就是年青的導師願意在未來（幾年後）考慮，也感恩他們考慮到要在信仰中繼續努力。
同樣，堂會的領導或許要從 "搵個人" 去攪掂晒所有既嘢（真係會做死嗰個人，同埋現今有冇呢啲人呢？）......從過去既 "大佬" 文化改變為同工領袖們彼此配搭，一起承擔負起責任。更要緊的就是陪伴年青的下一代，準備他們迎接新時代。親愛的弟兄姊妹，唔係單單叫佢哋做（或教佢點樣做），而係願意花時間陪伴他們走一段路。你們同意嗎？
後記：與你們分享我母會導師的一首詩歌
回望再步前（詞：魏天威）
沒有留言:
張貼留言