"每次都必定經過這餐廳，很多時都會與同工、神學生及外來講員在此午飯傾談，剛知道本周六後將會結業......員工分享經濟不好、時勢也不同......應該係時候去改變喇，點改？點變？答案：牛扒變雞煲，你話得唔得！"
一年後的今天，"雞煲"已經改變(執咗？變陣？)，這地方已改變成"牛肉麵"（起碼由"扒房"變返有牛呢！😂），想起一段歌詞："知否世事常變，變幻原是永恆......"
記得起初在這裡上班，從太太口中知道"LARDOS扒房"在坑口是十分出名，午飯係要預早幾日去Book位，絕對冇得walk-in。晚上收工離開辦公室，餐廳門口都常常聚集了一大群外國人在飲酒作樂，真係體會到那番邦的味道（佢哋都真係食緊煙）。隨著時間的流逝（都唔記得幾時開始），員工逐漸更替，中午時間可以直接入去開飯（當然唔係日日去架😋）。"執笠"前同一位熟悉的"伙記"傾開，佢話：晚上好靜，冇人包場，冇晒啲外國客，或許這印證著這土地上的轉變（BTW，太太工作的地方都係怱怱"被"執咗）。
由"西式"轉變成"中式"的雞煲（打埋邊爐）得唔得，一年前問過的問題，今天大家應該都有了答案。當然大家可以話：外在經濟環境的轉變，再加上疫情嚴重，餐飲業存在經營上的困難。昔日以西式"吸客"，轉成中式（港式）吸"街坊"，其實都冇乜大問題。"顧客"最著重的是食物的質素，就即係"好唔好食"。換句話說，就係你做成點樣？攪咗啲乜嘢出嚟？啲嘢得唔得？面對著環境及人事的變遷，"你"究竟係以不變應萬變，還是嘗試去接受/迎向佢。今天，"你"或許會問："牛肉麵"得唔得，我當然唔會知道啦！（到時都唔知去咗邊呢？）
回想堂會的發展，豈都不是這個樣子嗎？......然而"路"仍是要走下去。
沒有留言:
張貼留言