"選擇" 就是香港廣東話的 "有得揀"，前幾年有關香港選舉的争論，其中最大的討論並不是有冇得"投票"去決定，而是"有冇得自己去揀"。當然今天在國安法之下要小心去講，我想分享的只是：『其實究竟係上主揀？還是堂會揀？還是你自己揀？』😆
首先，我們必須承認："上主點樣揀？" 好多時候係未必100%肯定架😑。記得在婚前牧養（我不叫輔導），我常常提醒眼前的男女：『我們真係唔知係咪上主預備或安排（通常佢哋都話"係"😬），不過無論有冇上主的介入（屬靈上乜嘢都有上主睇住），你哋都要在未來的日子盡力去維繫你哋嘅婚姻。』究竟點做？當然唔係"剩係"祈禱就得架😪，你哋都要負責任架，否則就如昔日某女歌手的一首歌："你沒有好結果"。（只是我個人在牧養上見到的，唔一定係不變的真理😂）
今天牧養上常常聽到的就是：我都盡咗力架喇？（其意思彷彿就係話你知：我冇責任架喇😂。）還有的是：點解上主要咁樣"對/整"我？（其意思就是自己冇錯，係上主"衰"，特登針對你！）不論你今天以甚麼理由或藉口去解釋你的"選擇"，你仍然要為自己的"決定"負上責任或代價。昔日上主帶領我（回頭看是肯定的）離開第一及第二間侍奉的堂會，展轉走到今天，我必須記住：我只是上主的小工，在這"江湖"中，我只是"路人甲乙"，但我仍要為我自己每一個"選擇"去負責呢！
後記：節錄了黃天相教授今天（26/7）在wordpress的分享：
"有時自己要承擔自己所做的事，甚至乎所下的每一個決定，若是做錯了，未必可以有補救機會，若有的話就已經值得感恩了。相同的是放棄了機會，也未必再有的，就算自稱相信神信靠神的人都是一樣的，因此每次都要格外小心的。若人只是「隨己意行萬事」，甚麼都以滿足自己為主，這樣怎能說事奉神，又怎可能不撞板呢？"
沒有留言:
張貼留言