好多人喜歡站講壇講道，會眾又坐定定聽你講成半點鐘有多，好似好威咁！（真的嗎？）若果遇上唔知佢講乜既時候，有時覺得台下既會眾都幾慘慘豬。（真係好辛苦架）
記得當日按牧面試的時候，第一條問題就問我：按你的理解，甚麼是講道？我當時的回答：首要是清楚解釋聖經的內容，從而找出聖經的教訓，再配合當下的處境，叫信徒活出/遵行上主的吩咐。最後，這個答案讓發問的牧師 "收貨"。（做唔做到，大家可以決定）
昔日聖經作者（編修者）在上主的默示下，透過文字去寫成聖經，讓讀者知道上主的吩咐，也認識到信仰的內容，好讓屬神的子民怎樣去遵行。離開建道畢業之後，我立志專心研讀聖經，希望在牧養上集中教導會眾去明白上主的話。因著中文聖經譯本的限制，決定專心學習聖經原文，好讓自己能更清楚掌握上主的話。回顧這學習的路程，我只知自己越來越唔識，越來越害怕教錯大家，最後讓大家偏離了真道，咁就真係大件事。（其實很多時候都唔啲人點解會大大聲聲話聖經一定係咁，又講到自己係權威咁...so sad）
信仰不能單憑感受，信仰係有內容，可以學習，也可以遵行在生活中。牧會十多年，雖然自己知自己才能/智慧有限，很多事情都唔係好識（大多數係一知半解），但我仍然堅持透過聖經教導去牧養會眾（或許已經冇乜市場，大家亦都冇乜興趣）。
沒有留言:
張貼留言