2022侍奉隨筆：攞著數？

侍奉上主的工人其實真係有好多著數（屬靈啲講叫恩典），除了書室買書必定有折，報讀課程都有特價外。曾經試過睇醫生（西醫/中醫）都係免費，當然好多時候肢體會請你食飯，甚至偶然會去高級（即係貴）既地方開餐。每逄過時過節，有些肢體甚至會送禮物俾你。還記得九年前搬到今天的住所，當時的業主因為知道我做傳道人（佢有返教會但應該冇信），就“平啲”租咗俾我囉😅（到今天我仍然感謝上主對我的恩惠）

我都常常提醒自己：人家俾恩典（著數）你，唔係因為你有乜嘢特別（我當然唔係偶像派啦），或者你做過啲乜嘢偉大既嘢，只係因為大家睇住上主的個面子而已（當然也包括眾多前人美好的見證啦！）。因此在地上獲得好處（著數），其實真係上主對自己額外的恩典（按傳道書的講法，你已經有當得的分）。 作為主的一個小工，一定要記住在侍奉的過程中，千萬唔好安排好處俾自己。或許你所牧養的肢體唔知，但上主一定知道😅（千祈唔好試）