陳茂波最新估算的千億赤字較年初預算案時預測的481億多一倍，李家超日前回應記者提問時表示，政府會從節流和開源着手，節流包括減少政府開支；開源方面，政府會謹慎，尤其是減低對市民影響。
其實早在去年十月，《香港01》曾訪問富衛集團﹙FWD﹚主席、前財庫局局長馬時亨接受專訪，開門見山大談本港經濟前景。馬時亨預計，大家眼前關心經濟問題，但到明年（即2024）則恐面臨公共財政壓力，他直言留給政府的時間不多，「要認識問題的嚴重性，你唔可以話『遲少少啦，我哋掂㗎啦』，要快啲有新政策出嚟。」
踏入2024年，特區政府除了舉行不少經濟高峯會議、論壇，唱好香港 "由治及興"，也曾舉辦 "18區日夜都繽紛" 刺激本土消費。年中財政司長率團出席在沙特阿拉伯舉行的「未來投資倡議大會」，嘗試引進中東資金。感覺上，差唔多每月都會有 "新嘢" 推出，好似想話俾大家知，香港一定 "得" 囉！然而，去到年終埋單之時，你就話俾我知這個 "事實" .......
或許，唔駛佢哋講出嚟，大家都 "知" 或者都 "感受" 到今天我們所身處的環境（現實）.......你哋同意嗎？你哋信唔信特首話："政府推出不同措施增加經濟動力以刺激經濟，例如開拓新市場、恢復深圳「一簽多行」等；另外機場三跑系統上月底啟用、啟德體育園下年開幕，都有助提振經濟，增加企業及政府收入。" 你哋又信唔信財爺話："在經濟環境較差時，需要更大力度支持市民和企業，難免會出現赤字，但絕對有信心政府財政在未來三﹑數年後恢復收支平衡。"
回到信仰的故事，想起很多信徒話只有 "信心" （？）或者 "我有信心"（？），甚至加多一句 "有感動" 嚟加強語氣。我心想："真的嗎？" 傳道書作者在 9:11 提示讀者："都在於臨到所有人的時運和際遇..."（環聖），"時運和際遇" （עֵ֥ת וָפֶ֖גַע）是 "時間（即定時）和 機會" ，都是在神的手中。不過，人需要在自己可掌握的範圍（謹守遵行神的吩咐）下去面對那未能預知的前景。黃天相教授今早在wordpress分享到："自信是好事，太過自信就容易忽略了神的角色。若是自視過高，這不是自信，而是自欺的驕傲，這樣遇上甚麼挫折和打擊，就與人無尤了。"
親愛的弟兄姊妹，若果神已經計劃好晒，咁信徒（教會）的參與又係乜嘢？想到約書亞記，昔日約書亞帶領以色列人進入應許之地，係要佢哋成班人一齊同心合意，按照神的吩咐去行。"福與禍" 卻是由人去選擇呢？
後記：Facebook14/12的15年前動態回顧...... 今天卻想到："15年前今日竟然寫咗呢啲嘢😂😁 究竟係日光之下冇新事，定係15年嚟都冇變過呢？大家的回應又有冇唔同呢🤣💖"
沒有留言:
張貼留言