剛剛過去的主日，早午堂崇拜之後有兩場 "交流會" ，目的係希望肢體表達 "堂會向有關當局表達A1地盤重置教會的意願" 的想法。
目測每場出席人數大概30多人，若減去同工、執事、堂址小組成員，估計大概20幾至30幾人次參與。會前，我心中的好奇是："究竟會眾想緊啲乜嘢？" 會中有人提及堂會的面積、點解係A1？B又得唔得？要有信心？唔好輸.......（冇做記錄，單憑記憶，或許有錯😌一定）再者，出席的肢體，目測大多數是資深的弟兄姊妹，我心中好奇的是："其他呢？" 究竟佢哋係已經 "清楚明白"？冇問題？費事嚟？唔關心？.......心想："乜唔係應該好多肢體會關心架咩？" 又多咗另一個疑團😨！
自問自答的機制又忽然在腦中啟動：或許大家都信任眾執事及堂址小組的工作？知道大家在這一亭已作出最好的抉擇！因此，大家可以安心繼續在不同的範疇繼續努力侍奉.......各人都有當盡的本分，感謝主😆 然而，若果故事是另一個方向呢？抱歉😉，我不再寫一下，因我唔想（敢）再想落去囉......
不論是怎樣？大家的參與是重要的、大家的關心是重要的、大家的祈禱是重要的、大家是重要的......親愛的弟兄姊妹，當然唔係我哋自己好得，就會攪掂。要對上主常存 "盼望"，佢當然一定 "得"，但我哋有冇行在祂的心意中、去成就祂的計劃、叫祂得榮耀、叫祂的國度得以擴展、叫祂的子民（特別是下一代）承接福音的棒子，一代又一代繼續忠心地服侍祂？很快堂會就100周年，很快就2047......
後記：本周六晚堂、主日早午堂，繼續有交流會，22/9有為教會守望的祈禱會，請肢體記念。
沒有留言:
張貼留言