 |
| 與神同工 |
20年前，"應聘" （其實最初以為係嚟實習）天泉堂的時候，除了在主日崇拜講道之外，也要在祈禱會分享聖經，還記得當時候祈禱會是在225女同工辦公室那一邊舉行。當然記不起有多少肢體參加（當然係圍圈坐），我只係記得盧君宇弟兄負責（應該係，除非唔係😀），我要負責分享羅馬書第十六章（係一大堆問安及人名的經文），心中只係覺得佢哋要考我牌囉😳......之前侍奉的堂會，同樣也是 "應聘" 的場景，當天主日崇拜試講之後，被邀出席祈禱的聚會，後來才知道也是對我這小工的小小觀察（當時候我冇乜出聲囉😂）十多年之後回來天泉，祈禱會改為每月一次的 "復興敬拜祈禱會"，原來又係屬於團契一次的聚會（可以安排少一次囉😂）
我們不難發現 "祈禱會" 原來有這麼多的功能😎，真係有點萬能呢！年青的時候，參加祈禱會就是 "代求會" ........ 好像將一大堆嘢向上主報告（講咗一大堆）完就 "阿們" （誠心所願），好似祈完就攪掂晒（講完就算.....）偶然會想到，究竟大家有冇恆切為花墟計劃對我們的影響去祈禱？還是只係睇咗代禱事項就 "成了"......有時心想，大家究竟關心緊啲乜嘢呢？有時候想到，既然上主都會成就祂的旨意（今日團契查經睇到傳道書有關 "定時"），我們為何又需要著急？註
今天，堂址小組成員祈禱會，我準備的時候想到：不是想去 "解決問題/尋找答案"，只係好想同大家一齊在上主面前祈禱而已。祈禱只是表明我們對祂的信靠.......非我惟主！昔日詩人（詩篇）的祈禱，往往都是向主表達自己對祂的忠信，願意跟住上主的吩咐去行。親愛的弟兄姊妹，教會不是公司，唔好只係顧住 "開會" 啦😝
請大家記念你們的同工、執事、堂址小組成員，認定主耶穌才是教會的元首，祂才是耶和華軍隊的元帥。願意我們 "常存敬畏的心，等候上主發落。"
（預告：下次牧函會分享行區祈禱的想法😌）
後記：多年前在Facebook轉載了黃天相教授的分享：
1. 常說祈禱會很重要的人根本不覺重要2. 口稱祈禱會具守望作用又不當一回事3. 自認祈禱會經歷神人契合的感受卻不常出現4. 祈禱會只為事務祈求，像寫支票給神簽名5. 事務繁忙，其他事務比祈禱會重要
沒有留言:
張貼留言