堂址隨筆之八：時候到了

若果這幾天你們有機會返嚟既話，在大閘前你應該會睇到這提示：

對於返咗天泉一段時間既大家，我哋都唔會陌生.......過咗一啲時間之後，又要維修喇😉近這幾個月，不停落雨，天泉滲水問題不斷......因著先天性的不足（樓宇結構），多年來都未能解決。

負責維修的師傅問我哋：你哋都搬啦，點解重整（維修）呢？我估計我哋應該還有些時間需要在此 "停留"，再加上堂會事工的開展，2樓及3樓的樓層仍需要使用.......不過我個人相信，應該都係最後一次囉😁😁，大家同意嗎？

城市規劃委員會(城規會)已於 23/8 公布市區重建局(市建局)洗衣街/花墟道發 展計劃草圖。根據相關資料顯示，任何人士可於 23/10 或之前，就有關發展計劃草圖向城規會秘書作出書面申述。執事會早前已議決聘請顧問公司，顧問公司亦將代表堂會向城規會遞交申述書，支持市建局洗衣街/花墟道發展計劃，並表達於計劃草圖中之 A1 地盤內重置堂址之意願。

親愛的弟兄姊妹，雖然當走的路甚遠，但我們已經開始踏上這征途。祈求上主垂顧。


後記：28/8-29/8這兩天是傳道同工的退修日，有同工曾表示很怕 "退修日"，因為往往變咗 "工作日" 或 "開會日" ....... 因著同工已經在不同範疇都衝咗一段時間，係 "時候" 要 "休一休" ...... 冇乜特別的 "會議"，只係在食飯時大家 "傾下"，互相關心、認識一下，原來大家一齊共事咁多個月（工作除外），都真係冇乜機會可以靜靜地坐低分享一下.......

時候到了，感恩有你們同行，願意少一點 "會議"，多一點......喜樂😎💖