連續兩個周二，與兩位肢體分享及回顧在福溢堂的侍奉，輕輕鬆鬆在短短的時間分享了8年走過的路。回想到2013年初與母堂王牧師的見面，之後經歷一連串的面談及約見，最後應聘時收到的order，同年9月開始參與會議，預備新一年的講道安排......2014年第一天上班就是15周年堂慶的日子，像一個旁觀者觀察肢體的互動，逐步摸索並開展工作，年底左右與知悉要開始思想自立的可以能性，及後在之後一年與同工一起思索相關的可行性。2016年初向領袖提出同工的考慮，大家都願意踏前一步。可以暑假尾卻收到同工將會離開的通知，但上主的恩典夠用，領袖們願意同心合意走落去（佢地真係夠勇）。雖然2018年底曾發生了一些小插曲，但最終福溢堂在2019年成為一間自立的堂會。
自問沒有甚麼才幹，都係跟order見步行步咁走落去......曾經在上主前呼喊著：真係攪唔掂架！上主卻安慰：呢單嘢唔關你事，我攪嘅，你嘈乜嘢呢！上主真係對我好好👍。曾經被問及，你想點帶堂會走落去，當時既回應係：都係見步行步，行多一步，就見到出路。（即係冇計劃/冇想法，或者咁講會令某些人不快，不過我真係冇計架 =.='）回想堂會自立後這三年走過的路，我開始明白，點解當時候會咁答......坦白講，這三年真係見步行步，明天如何尚且也不知道呢！
今天我仍然繼續問緊上主，未來應該點走落去，我估應該都係：繼續見步行步，否則就企（或者係瞓）係到，哈哈😆
沒有留言:
張貼留言