今次放假，我和師母是與兩個家庭（來自不同教會）一行六人出發。回想起來，今次係第四次與其他人一起（除了早年參加旅行團之外）。
 |
| 猜猜誰是我們👆 |
過去往日本旅行（自由行），都係同師母一起出發，"自由行" 的好處就係好自由地 "自行" 去決定。與其他人一起的話，整件事情就變得不再 "任我行"。今次出發之前，我哋都要開個會先，傾吓大家既意願同想法（有人已經預先做好晒資料喇😀）。雖然大家都知道係去同一個地方 - 北海道，然而或許大家都有唔同的期望或要求。今次 "會議" 既目的....係讓大家真係可以坐低一齊傾下（當然係食飯傾啦😂），表達自己的想法，尋求一個 "初步" 大家共識既方案。整個活動（旅行），我哋都委托了旅行社協助我們處理機票、酒店及租車，原因係我都唔係好識（搵人幫手會快啲）。不過，我哋想點，最終都係要我哋去決定囉😙。
25/6起行，5/7返回，前後短短11天的行程，當中經歷的......雖然旅程中出現了小小 "意" 料之 "外"（行錯路、小小唔舒服、疲倦、😴），整個行程都係愉快😊，原因都係食完又食、打咭影相又再影相、坐車去呢到去嗰到、與心愛的開開心心🥰......不過在這個旅程中，我最深印象的就是各人在其中各人盡力完成自己的本分（不計算個人的得失.....其實又真係冇乜嘢失囉😆），負責揸車🚗的、協助導航的、祈禱🙏的、負責尋找地點資料、負責酒店入住、食飯地點.......雖然我哋都會有不同的訴求，當然也有自己既睇法，但係大家都知道在有限的日程中，彼此珍惜能共處的時間。因為大家都知道，唔知幾時.....或者會唔會再有機會一齊再去呢😚！
親愛的弟兄姊妹，或許教會也是這樣的圖畫。因為 "愛"，我們被召、聚在這個時間與空間，其中遇到的人（是偶然碰上？是上主安排？），要主動去認識才能關懷.......被動地等人嚟，不如自己主動一啲啦😜.......好好珍惜，因為你同我都只係 "過客" 😉 而已。再者，這段路程係有限期（生有限），或許我哋.........求主垂顧🙏
後記："婚姻的旅程" 應是這個樣子呢 💕 今天仍能夠 "執子之手"，願意繼續 "與子偕老💖"， 全是上主及師母厚愛😘！
 |
| @北海道美瑛町 |
沒有留言:
張貼留言