盡了力嗎？

經歷三年疫情後，周末崇拜終在23/9（六）晚上6:45-7:00重新開始。我們最初預計十位肢體出席（當然計埋侍奉人員），最終當晚有11位弟兄姊妹一同敬拜，深信上主得榮耀，感恩。有人可能會立時提出疑問：咁少人攪嚟做乜？我想："人數" 真的重要嗎？當然大家若從 "夜繽紛" 的人流，或許你都會得出相同的想法。大家有否想過：為何要在周末重啟崇拜？

據聞（聽人講，唔一定準確，當然都冇Fact Check），要重新開始周末崇拜，除了資源上有困難，當然還有不少的考量.....（下删一萬字）。有一日，當我與一位同工（葉sir）商討：若我負責全部講道，你負責全部敬拜，有冇得諗？ 他表達：有可能性.....（可能係受我的威逼下😂）。當我們與周邊的肢體分享的時候，他們都表示願意協助及參與其中.....真係好感動🥹

親愛的弟兄姊妹，我們不是為攪而攪（因為以前有？），當然也不是要攞苦嚟辛（已經好辛）。我們是看到 "需要"，也願意在有限的資源下多走一步而已。耶穌提醒跟從祂的人：要盡心、盡性、盡意、盡力......今天能夠侍奉祢，是何等的福氣，還能夠要求甚麼呢？因此，作為主的小工，我常常問自己：盡了力嗎？自己未"盡"，你又怎能期望其他人呢？ 

（從堂會窗外拍攝的禮堂）

後記：廣告時間

• 30/9（公假）周末崇拜（聖餐）
• 晚上6:15-7:00
  
• 講題：若你想被受逼迫，你要...
  
• 經文：太5:13-16