2014年1月踏入這堂會服侍上主，轉眼踏入第九年了。記得最初頭五年，每年的年假有十四天，五年之後就增加至廿一天。年假是可以累積，堂會自立前可以累積六十天，但自立之後改為四十天。去年開始，因著疫情的緣故，暫時又改回六十天。直至這一刻，小工已累積了六十天，這正好代表今年至少要處理廿一天的年假。
這個數字當然係自招的，除了外在環境外（冇得同太太返日本外），也未能取假北上服侍，從而去"消滅"這些數字。記得起之前的堂主任曾說：放假都係同工的應盡的本分（係你要處理好的事情）。從這一點來看，我當然係唔稱職，應該係要"抄魷"（放心我一定會好好檢討）。若從實際的操作來說，每天都有事情雖然完成或處理（當然未包括那些"忽然"與"突然"）。再加上，枱頭的東西若你今天不處理的話，明天（或之後）都是等你自己去攪掂佢（so sad）。在微堂會侍奉，一句話唔做就講得容易，最後咪自己食埋佢（當然又唔係啲乜嘢偉大的事情）。你話點可以放到呢？（除非真係唔撈，不過...）
另外，最大的困惑（最大鑊）就係攞咗啲假做乜？！約朋友出街（吹吹水），原來已經冇乜人朋友可約（除咗要服侍的肢體外，當然最後會變成關顧牧養）。曾經想約返冇見十多年的舊同事或母會的肢體，原來大家都關心自己係咪得到重症或準備移民（其實真係想見你/妳一面）。最後，不如取假溫習讀好啲希伯來文既轉音吧？！
沒有留言:
張貼留言