經歷了兩年多的疫情運作，1月自洪門宴後確疹數字又再上升。按照個人的觀察，政府仍舊是如臨大敵。除了缺少晚上外出用膳外，市民好像是沒有甚麼大的轉變，一切如常生活。其實自堂會自立後，侍奉仍舊都是一樣。除了遇到突發的通告及提示時，需要即時作出應對外，每周、每天都是"望住"電腦，回覆電郵與信息、備課、處理文件，當然還有因進修而需背的生字，可以算係一切"照常營業"。或許現實都是這樣，沒有太多的突變，一切都是平平靜靜的過。
常會想到，究竟是自己不長進，還是已經習慣了安定。曾經與肢體分享，這年紀都唔係要再玩突破，勇於挑戰自己。不過，卻不願在此白佔地土等退休之餘，阻住個地球轉。2018年按牧時曾經多次問自己，你還有乜嘢可以攞出嚟呢？我的存在有冇阻礙堂會向更好的方向發展呢？......不過，問下問下又過咗3年，時間真係唔會等你架！
工仍然要作（今晚要開會）、課仍然要備（明天要上課）、生字都係要繼續背（二月又開課）......然而思前路仍不會停止，原因是仍然要繼續尋索上主的心意。
沒有留言:
張貼留言